Indian novel 'Tomb of Sand' in Booker Prize dawng
Indian writer Geetanjali Shree-i novel, 'Tomb of Sand' chuan chawimawina ngaihhlut tak, International Booker Prize a dawng.
New Delhi-based writer Geetanjali Shree hian kum 2018 khan Tomb of Sand hi 'Ret Samadhi' tiin Hindi-in a tichhuak a, America mi Daisy Rockwell chuan English-a letin, 'Tomb of Sand tiin kum 2021, August thla khan UK-ah tihchhuah a ni ve leh.
Ningani khan London-ah Shree leh English-a lettu, Rockwell-te hian chawimawina hi an dawng a, he chawimawina in a ken tel, pound 50,000 pawh an insem a ni.
'Tomb of Sand' hian India hmarlama cheng kum 80 mi hmeithai pakhatin, kum 1947-a India leh Pakistan ṭhenhran a nih dan, tleirawlte a nih laia harsatna a tawh chinfel lohte hmachhawn leh tura Pakistan rama a zin chanchin a ni.