Hri kai thar 2,720 awm belh

India ramah Ningani khan Covid-19 hri kai thar mi 2,710 an awm belh a, hri vanga thi mi 14 an awm bawk.

Ram pumah nimin zing thleng khan hri kai mek mi 15,814 awmin, hei hi hri kai hmuh chhuah tawh aṭangin 0.04% a ni. Covid-19 vanga thi mi 5,24,539 an awm tawh a, hri kai dam tawh hi mi 4,26,07,177 an tling tawh bawk a ni. Hri kai enkawl dam tawh hi 98.75% an ni.

Sorkar laipui chuan Covid-19 vaccine pekchhuahna pual atana a siam, Co-WIN portal chu zau zawka hman a tum. Co-WIN chu Covid vaccine dan chhinchhiahna leh certificate pekchhuahna atan a hman chhunzawm zel bakah, Universal Immunisation Programme leh national health programme dangte tan hman theih turin siam a ni dawn tih Co-WIN chief leh Natianal Health Authority CEO DR RS Sharma chuan a sawi.