India-Bangladesh inkarah rel service tir leh ṭan

India leh Bangladesh inkara rel service, Maitree Express leh Bandhan Express chu kum hnih chhung chawlhtir an nih hnuah nimin aṭang khan tlan tir an ni leh ṭan ta.

Covid-19 hripui leng vangin ram pahnihte hian kum 2020 March thla aṭang khan rel service hi an titawp a ni. Bandhan Express hi Kolkata-Khulna, Bangladesh inkarah a tlan a, Maitree Express hi Kolkata-Dhaka inkarah a tlan a ni. Rel pahnihte hi khualzin 450 vel ve ve chuan theihna niin, air-conditioned chair leh executive class category-te a awm a ni.

Nimin zing dar 7:10 khan Bandhan Express hi Kolkata aṭangin a tlan a, Maitree Express hi Dhaka aṭangin a rawn tlanchhuak ve bawk. June 1 aṭang hian India-Bangladesh rel service pathumna tur, Mitali Express pawh tlan tir tum a ni tih Eastern Railways (ER) thupuangtu Enkalvya Chakraborty chuan a sawi a, New Jalpaiguri-Dhaka inkarah a tlan ang.