Pepsi, Coke tui pek khapna hlip

Madras High Court chuan kum 2016 November thlaa Pepsi leh Coca Cola firm-te atana Thamirabarani lui tui hman a khapna chu nimin khan a hlip.

Nikum November thla khan court chuan heng firm pahnihte hi an bottling plant-ah Thamirabarani lui tui an hman hi a lo khapsak tawh a ni. Hei hi company-te’n lui tui an rin avangin loneitute harsatna an thlen nia sawi a nih vang a ni. Company-te hian lui tui an laknaah hian litre 1,000-ah pawisa 37.50 chauh an chawi laiin, an thil siamchhuahte hi man sang takin an hralhchhuak thung niin PIL thehluttu Tirunelveli Consumer Protection Association secretary, Prabakar chuan a sawi. Company-te tui lak hian district panga-a chengte a nghawng avangin lui tui hralh hi titawp turin a lo ngen tawh a ni.