Prabhu-a’n railway ministry rua­hmanna puang

Railway Minister Suresh Prabhu chuan nimin khan kum 2017-2018 chhunga Railway Ministry-in a hmalakna tur ruahmanna a siam hrang hrangte a puang.

Kuminah hian Railway Budget chu a hrana pharh a ni lo a, union budget-ah chhunfin a ni. Kum 92 chhunga a hranpaa railway budget pharh a nih loh ṭum khatna a ni a, mahse Finance Minister Arun Jaitley-a’n union budget a pharhah phek thum chu railways pual hian dah a ni.

Mahse nimina official function-ah minister Prabhu chuan an hmalakna tur hrang hrangte a sawichhuak a, heng zingah hian Roll-On-Roll-Off service kalpui tur te, freight customer-te tana long term contract siam tumna te, khualzine tana ruahmanna an siamte a sawichhuak a ni. Function-ah hian railway official-te an kim hle.