Kerala state budget pharh tur a putru

Kerala state budget chu Finance Minister Thomass Issac-a'n Assembly-a a pharh hmain a putru.

Finance Minister-in budget a pharh hma hian eptu pawl, Congress leh party dang MLA-te chuan state budget kimchang hi an lo hre hman a ni. State sorkar chuan he thil hi chhui chiang turin thupek a ti­chhuak nghal. Chief Minister Pinarayi Vijayan chuan thil pawi tak a nih thu a sawi a, Speaker Sreerama Krishnanan pawhin ngaihthah mai chi a nih loh thu a sawi. Eptu pawl hruaitu Ramesh Chennithala chuan budget hi Finance minister office aṭanga put chhuak ngei nia sawiin, House-a a sawi chhuah hmain social media lamah hmuh tur a awm vek a ni, a ti. He thil thleng vang hian finance minister chu bang turin a phut bawk.