Nausen Rs 35,000 in hralh, Hospital MD leh staff man

Telangana police-te chuan Hyderabad khawdaia private hospital, Telangana Multi Specialty Hospital-ah nausen hmeichhia chu Rs 35,000-a hralh a nih vangin hospital Managing director leh staff pakhat an man.

Police-te hian thu an dawn bawhzuiin Ibrahimpatnam-a Telangana Multi Specialty Hospital hi an dap a ni. Thu an zawhfiahnaah hospital MD RMP doctor Narella Shanker leh admistrator Srinivas-te chuan fa nei thei lo nupa hnenah nausen hi an hralh thu an puang a ni.

Deputy Commissioner of Police LB Nagar chuan, Shanker leh Srinivas hian nausen nu, Vanitha leh a pasa hnenah chuan an fanu hi hralh turin an ngen niin a sawi. Nausen nu leh pa hi Rs 10,000 an pe a, a bak Rs 25,000 chu doctor, administrator leh inbiaknaa palai atana an ruatten an insem a ni. Nausen nu leh pa hian fanu dang pahnih an lo neih tawh avangin an naute hi hralh an remti niin Nagar chuan a sawi.