Black Money Rs vbch 70,000 chhui chhuak tawh

Supreme Court-in black money chungchang bik chhui tura a ruat, Special Investigation Team (SIT) deputy chairman Jutice Arijit Pasayat-a chuan sum chheprelh, black money chu cheng vaibelchhe 70,000 zet chhui chhuah a ni tawh tih a sawi.

Justice Pasayat-a chuan sorkar agency hrang hranga officer-te meeting a neihpui hnuah, April thla chawlhkar hmasa berah SIT chuan interim report chu Supreme Court-ah a thehlut dawn tih a sawi. Black money venna tur hian kum hnih kalta chhung khan SIT chuan rawtna hrang hrang pawh a lo siam tawh a, rawtna siam zinga a tam zawk chu sorkar pawhin a pawmpui niin Pasayat chuan a sawi. SIT rawtna angin sorkar chuan ṭum khata cheng nuai thum chuang inthawn chu dan kalhah ngaiin, dan hnuaiah hrem theih a ni ti alo puang tawh niin a sawi bawk.