J&K-ah JeM firfiak 2 kap hlum

Jammu and Kashmir-a Pulwama district-ah Pathianni zan khan security force-ten Jaish-e-Mohammed firfiak pahnih an kap hlum tih nimin khan police-ten an sawi.

Police thupuangtu chuan firfiak pahnih kah hlum an ni a, an ralthuam AK-47 rifle pahnih pawh man a ni tih a sawi. An thurualpui dangte zawngin Pulwama-a Gundipora-ah beihpui thlak mek a ni tih a sawi bawk.

Pathianni zan khan security force-ten Pulwama-ah hian firfiak dap hna an thawk a, JeM firfiak pahnihte hi dang chepin an inkap zui ta a ni. Firfiak pakhat hi May 13-a Pulwama-a constable Reyaz Ahmad kaphlumtu niin an sawi. Firfiak pahnihte hi tualchhung mi ve ve an ni a, mahse police-te chuan an nihna kimchang erawh an puangzar lo.

Kumin June 30 aṭangin Amarnath Yatra neih ṭan a nih dawn vangin Jammu and Kashmir-ah venhimna ṭha zawka kalpuina turin firfiakte laka beihpui thlak mek a ni. Kumin chhungin Kashmir-ah hian firfiak 90 vel thah an ni tawh.