UP inthlan thawh rukna zo

Uttar Pradesh assembly inthlan thawh rukna chu kar kalta Inrinni khan assembly bial 49-ah neih a ni a, vote 57.03% a tla.

Inthlan thawh rukna hi district pasarih huam chhunga consti­tuency 49-ah neih a ni a,candidate 635 awmin vote nei mi vaibelchhe 1.72 chuang an awm. Candidate zingah hian hmeichhia 63 an awm a, independent candidate 175 an awm bawk.

UP chief electoral officer chuan inthlan hi boruak ṭha tak hnuaiah neih a nih thu a sawi a, inthlan tibuai tham buaina lian tham chhuak a awm lo. UP-a assembly bial 403 zinga bial 363-ah vote thlak a ni tawh a, inthlan thawh sarihna leh a tawpna tur chu March 8 hian neih a ni leh dawn a, vote tlate hi March 11 hian chhiarin, result puan nghal a ni ang.