EC-in Akhilesh Yadav-a hriattirna pe
Election Commission of India chuan, Uttar Pradesh Chief Minister Akhilesh Yadav-a chu thamna la tura mipuite a fuih nia sawi chungchangah insawifiah turin hriattirna a pe.
Samajwadi Party hruaitu, Akhilesh hian Mrch 4-a Badhoi-a thu a sawinaah, mipuite chu an vote leisak tuma party dangten pawisa pek an tum chuan lo laksak a, vote thlak hunah SP symbol, cycle-ah chuan vote thung turin a fuih nia sawi a ni. A thusawi avang hian model code a bawhchhia nia sawiin, Commission chuan a lakah action lak a nih loh chhan tur sawifiah turin a hriattir a ni. Commisison chuan thamna pek leh, thamna pek remtihpui chu hremna na tak pek theih a ni tih a sawi.