UP minister lakah pawngsual thubuai ziak lut

Uttar Pradesh-a Samajwadi Party minister Gayatri Prajapati lakah pawngsual thubuai ziahluh a ni a, minister hi chin hriat lohin a bibo mek.

Special Task Force chuan pawngsual thubuai kaihhnawihah hian Noida aṭangin mi pahnih, Ashok Tiwari leh Ashish Shukla te chu an man tawh a, Lucknow panpui an ni. Police-te chuan Prajapati-a PSO, Chandrapal Singh chu Thawhṭanni khan an lo man tawh bawk. Pawngsuala puhtu hmeichhia hian kum thum kaltaa an inhmuh ṭumin, Prajapati hian a thingpui inah damdawi telhin, nikhaw hre loa a awm laiin a pawngsual niin a puh. Prajapati hian a thla te laksakin, tihmualpho a tum chuan a thlalak chu thehdarhah vauin kum hnih chhung chu a thunun zui niin a sawi