Maha sorkarin PM program tihlarnan Rs vbch 8 seng tawh

Maharashtra state sor­kar chuan, Prime Minister Narendra Modi-a’n project lungphum hrang hrang a phumte tihlarna turin, contigency fund (CF) aṭangin nikum December thla thlengm khan cheng vaibelchhe 8 a seng tawh.

PM-in project lungphum a phum zingah hian Arabian Sea-a Chhatrapati Shivaji hriatrengna leh jal poojan siamna tur te pawh a tel.

Nimin khan Maharashtra state assembly chuan budget session ṭanin, assembly inkhawm­ah sum hman ral zat hi Finance Department chuan a tarlang a ni. Department chuan Jal Poojan ceremony tihlar leh fakna tur atan te, Mumbai Metro Line hawnna inkhawm neihna atan te, Sweree-Nhawa Sheva project leh Mumbai Urban Transport Project (MUTP) hnuai­a railway project thar tihlarna atante cheng vaibelchhe 8 hi pek a nih thu a sawi. Heng sumte hi hmanhmawh thila hman a ngaih avangin contingeny fund (CF) aṭangin pek a ni tih a sawi bawk.

Eptute chuan CF sum hman a nih avang hian sorkar chu an sawisel a, CF chu fimkhur taka hman a ni tur a ni, an ti. Eptu hruaitu, Dhananjay Munde chuan loneitute chhawmdawlna pe turin sorkar an ngen a, sorkar chuan sum a neih loh thu a loh hrilh a, hetih lai hian intihlarna atana CF aṭanga sum tam tham tak a pawthek leh chu thil awm lo tak a ni, a ti.