Rel-a bomb puakah mi sawm chuangin hliam an tuar

Madhya Pradesh-a Shujalpur bulah, nimin khan Bhopal-Ujjain inkara khualzin phur rel pindan chhungah bomb a puak a, mi 10 chuangin hliam an tuar.

Rel pindan-a bomb puak hi a tirah chuan short circuit vang nia ngaih a ni a, mahse Railway Police-te chuan suitcase-a bomb dah tihpuah a nih zawk thu an sawi. Hei bakah hian mobile phone pawh tihpuah a ni bawk nia sawi a ni.

Pindan chhunga bomb tihpuah a nih lai hian rel hian Jabdi station a thleng hnai tawh a, mahse he thil thleng vang hian rel hi dintir nghal a ni. Hliam tuarte hi damdawi-in panpui nghal an ni bawk.

Railway offcer tea, Anti-Terrorism squad leh intelligence officer bakah FSL expert team chu rel enfiah tur hian tirh nghal an ni.