Defence Ministry-in Astra MK-I missile leina tur contract ziahpui

Defence ministry chuan Astra MK-I Beyond Visual Range (BVR) Air to Air Missile (AAM) leh Indian Air Force leh Navy-te hmanraw dangte supply turin, Thawhlehni khan Bharat Dynamics Limited (BDL) chu Rs vaibelchhe 2,971 contract a ziahpui.

Ram chhung ngeia siam defence hmanrua leina tur hi Buy (Indian-IDDM) category hnuaiah ziah a ni.

Ministry thuchhuah chuan, Astra MK-I missile leh a kaihhnawih system zawng zawngte hi an kahchhuah, ground handling leh testing chungchang Defence Research and Development Organisaton (DRDO)-in Indian Air Force (IAF) thawhpuina hnuaiah a buaipui vek a ni, a ti.

Astra hi navigation technique tunlai tak hmang niin, km. 100 chuang a kap pha a ni. Target a fuh theihna turin midcourse guidance leh FR seeker based terminal guidance pawh a nei tel bawk.

Kum 2020, July thla khan defence minister Rajnath Singh kaihhruai, Defence Acquisition Council (DAC) chuan Astra MK-I missile 248 lei hi a lo remti tawh a, heng zinga 200 chu IAF hman tur niin, Navy tan 48 ruahman a ni.