Parliament session neih tum

Union parliamentary affairs minister Pralhad Joshi chuan Covid-19 hri leng mah se, invenna leh inkaihhruaina khauh tak hnuaiah parliament session (monsoon) neih tum a nih thu nimin khan a sawi.

Session neih a nih dawn thu hi Joshi chuan sawi mah se, engtikah nge neih a nih dawn tih erawh a sawichiang lo a, a hun tur hi la ngaihtuah a sawi chian vat a nih dawn thu Joshi chuan a sawi. March 23 aṭanga khan parliament hi khar a ni a, budget session pawh Covid-19 hri leng vanga tihtawp zui a ni.

Joshi chuan kumina budget session part 1-naah khan Lok Sabha leh Rajya Sabha vawi kua ṭhutkhawm a nih thu a sawi a, part 2-naah khan Lok Sabha leh Rajya Sabha ṭhutkhawm vawi 14 a awm thu a sawi. Kumin chhunga budget session hman liam tak zawng zawngah khan ṭhutkhawm vawi 23 a awm thu a Joshi chuan a sawi bawk. He budget session hman lai mek hi Covid-19 hri leng vangin March 23 khan tihtawp zui a ni ta a ni. March thlaa session neih chhung khan Parliament-a hian bill 12 pass hman a ni a, bill 19 pharh a ni bawk.