Delhi ATM-in pawisa lem pechhuak leh
Delhi chhim lam, Amar colony biala Automated Teller Machine (ATM) chuan Ningani khan Rs 2,000 lem a pechhuak leh a, hei vang hian Amar Colony police station-ah thubuai ziah luh a ni.
Sheetla Mata Mandir bula private bank ATM aṭanga Rs 2,000 pekchhuahah hian ‘Children Bank of India’ leh ‘Manoranjan Bank’ tih a inziak a ni. Pawisa lem lachhuaktu hian police-ah complaint a thehlut nghal a, DCP(south east) Romil Baaniya chuan IPC section 289 B leh 489E hnuaiah thubuai ziahluh a nih thu a sawi.
February 6 khan Delhi chhim chhak lam, Sangam Vihar-a SBI ATM aṭangin Rs 2,000 lem pali, Children Bank of India tih inziahna hi lakchhuah a lo ni tawh bawk a, he pawisa lemah hian ‘Churan label’ tih a inziak bawk. Sangam Vihar-a ATM aṭanga pawisa lem lakchhuah a nih hnu hian ATM enkawltu, Mohammed Isha chu man a ni a, mahse bail-a chhuah tir a ni.