India leh Israel Defence Minister-te inkawm

Defence minister Rajnath Singh leh India rama rawn zin, Israel defence minister Benjamin Gantz-te chu nimin khan New Delhi-ah a inkawm a, regional security dinhmunte thlirin, security lama ram pahnihten thawhdunna tihchak dan turte an sawidun.

Minister-te hian ram pahnihten sipai hmanrua siamna kawnga thawhdun dan te bakah Ukraine ram buaina thleng mek chungchangte an sawidun bawk.

Rajnath Singh chuan Gantz nen inkawmna ṭha leh hlawk thlak tak an neih thu a sawi. "Defence lam kaihhnawih thil pawimawh tak takte meeting-ah hian an sawi a, Israel leh Indian thawhdunna chu kan ngaihlu hle a ni," a ti.

Meeting an neih hmain Gantz hian National War Memorial-ah indonaa India sipai thite zahna a hlan a ni.

India hi Israel-in sipai ralthuam a siam leitu lian ber zinga mi a ni a, Israel hnen aṭang hian weapon system hrang hrang, missile leh unmanned aerial vehicle-te a lei a, Spike anti-tank guided missile pawh a lo lei tawh bawk.