Sonia Gandhi-i'n Covid-19 hri a kai

Congress party hruaitu, Sonia Gandhi chuan Covid-19 hri a kai tih an party thupuangtu Randeep Surjewala chuan nimin khan a sawi.

National Herald sum pekchhuah dan kaihhnawihah Enforcement Directorate chuan Sonia Gandhi leh a fapa Rahul Gandhi-te hi thu zawhfiah turin a ko a ni. Mahse nimin khan Surjewala chuan Sonia Gandhi hian Covid-19 hri a kai thu sawiin, "Khawsik na vak lo a nei a, symptom dang pawh a nei. Inkhung hrangin a inenkawl mek a, mahse ED hmaa inlan hun tur June 8 chu tihdanglam a la ni rih lo," a ti.

EC-in hriattirna an pekah Sonia hi June 8-ah an hmaa inlan tur leh, Rahul Gandhi chu June 2-a inlan turin an ti a ni. Mahse Rahul Gandhi hian ram pawn lama a zinchhuah avangin a inlan hun hi June 5-a sawn sak turin a lo ngen tawh a ni.