India rama airport lian ber Tata-in sa dawn

Tata Group-a infrastructure leh construction lam khawihtu, Tata Projects chu India rama airport lian ber tur, Uttar Pradesh-a Greater Noida-a Noida International Airport sa tura thlan a ni.

Contract an hmuhah hian Tata Projects chuan terminal, runway, airside infrastructure,, kawng, utilities, landside facility leh airport-a ancillary building-te an sa/siam dawn tih Yamuna International Airport Private Limited (YIAPL) chuan thuchhuah a siamah a tarlang.

YIAPL hi Swiss developer, Zurich Airport International AG subsidiary a ni a, Noida International Airport siam turah hian Special Purpose Vehicle angin dah a ni. Kum 2019 khan Zurich Airport International AG hi airport siam tur hian thlan a ni a, Uttar Pradesh sorkar nen kum 2020, October 7 khan concession agreement pawh an ziak tawh a ni. YIAPL hian engineering, procurement and construction (EPC) thawk tur hian Tata Projects Ltd hi a thlang leh a ni.

Noida International Airport hi zawh a nih hnuah India rama airport lian ber a ni dawn a, kum 2024-ah hman theih beisei a ni. Airport hi ram hectare 1,334-a zauah siamin, a thawh khatnaah chuan single-runway in kalpui phawt a ni ang. Kum khata khualzin maktaduai 12 vel a dawngsawng thei ang.