PM Modi-a'n project 1,400 chuang lungphum a phum

Prime minister Narendra Modi chuan nimin khan Uttar Pradesh Investors Summit vawi thumna hawngin, Rs vbc 8,000 chuang hu project 1,406 lungphum a phum bawk.

Heng project-te hi field hrang hrang ami niin, agriculture, IT and Electronics, MSME, manufacturing, renewable energy, pharma, tourism, defence and aerospace, handloom and textile lam te an ni.

Summit hi Uttar Pradesh sorkar huaihawt niin, industrialist Gautam Adani, Kumar Mangalamd Birla leh midang eng emaw zat an tel a, defence minister Rajnath Singh leh Uttar Pradesh chief minister Yogi Adityanath-te pawhin an hmanpui bawk.

Uttar Pradesh Investors Summit hmasa ber hi kum 2018, July 29 khan neih a ni a, a vawi hnihna hi kum 2019, July 28-ah neih a ni. Summit hmasa berah hian project 81, Rs vbc 61,500 hu lungphum phum a ni a, summit vawi hnihnaah hian project 290 lungphum phum a ni bawk a, heng project atana sum ruahman chu Rs vbc 67,000 chuang a tling a ni.