Ni nga chhung Jammu-Srinagar kawngpui khar tawh

Jammu-Srinagar national highway chu Panthal leh Ramban biala leimin nasa tak thleng vangin ni nga chhugn khar a ni tawh a, motor tam tak an tangkhang mek.

Ruah leh vur sur nasat avangin hmun tam takah kawng a min a, Kashmir valley kalpawhna kawngte chu a hnawhping a ni. Pathianni khan darkar reilote kawngpui hi hawn ni mah se, lei min thar a awm leh avangin khar leh nghal a ni. Kawngah hian Kashmir tana mamawh phurtu truck 2,000 leh khualzin phur motor 500 vel an tang a ni.

Police-te chuan kawngpui thenfai hna thawh mek a nih thu sawiin, motor-te pawh tlantir leh thuai theih beisei an nih thu an sawi. Thla hmasa khan Jammu and Kashmir-ah vur a sur nasat avangin national highway pawh khar a lo ngai tawh bawk a ni.