Saudi Arabia lal a rawn zin dawn

Saudi Arabia lal, King Salman chuan a ṭum khatna atan India ramah kumin chhungin rawn zin a tum.

External Affairs Secretary (Economic Relations) Amar Sinha chuan kumtawp lamah Arabia lal hi rawn zin a tum thu sawiin, an nghakhlel tawh hle tih a sawi. Sinha chuan India leh Saudi Arabia thawhdunna chu a ṭhang chak hle tih sawiin, ram pahnihte hian joint production leh investment lamah thawhdunna ṭha tak an nei a, infrastructure, manufacting leh tehnical resource leh skill lamah investment thar siam dan tur pawh an ngaihtuah mek tih a sawi.

King Salman hi a unaupa, King Abdullah a thih hnuah kum 2015, January thla khan Saudi Arabia ram lal turin lallukhum khumtir a ni. King Salman hian Pathianni khan ni li cham turin Japan a tlawh a, thla hamsa khan Indonesia alo tlawh tawh bawk.