Arun Jaitley-a’n defence ministry charge la

15th March, 2017

Defence Minister a nihna aṭanga bang ta, Manohar Parrikar-a chanpual chu union finance minister, Arun Jaitley-a’n a chang tel rih dawn.

Manohar Parrikar-a hi Goa-a BJP sorkar tharah chief minister a nih dawn avangin union minister a nihna aṭang hian a bang a ni.

Nimin khan Rashtrapati Bhawan chuan thuchhuah siamin, Prime Minister thurawn angin President chuan Arun Jaitley chu a portfolio chan bakah Ministry of Defence charge a hlan tih a sawi. Arun Jaitley hian kum 2014-a NDA sorkar a din tirh khan thla thum chhung Finance leh Defence Ministry a lo chang kawp tawh bawk.