Pawngsualtua puh UP minister hlui man
Uttar Pradesh minister hlui, Gayatri Prajapati chu pawngsual thubuaiah Nilaini khan Lucknow-ah man a ni.
Manzil Saini hi UP-a Samajwadi Party sorkara minister ṭhin a ni. Hmeichhe pakhat chuan kum thum kalta khan minister hian a thingpui in turah thil pawlh sakin nikhaw hreloa a awm laiin a pawngsual a, a fanu kum tling lo pawh khawih a tum niin a puh. Minister bakah hian midang parukin an pawngsual rawn niin a sawi bawk. Supreme Court thupek angin minister lakah hian FIR ziak lutin, thubuai siamsak nghal a ni. FIR thehluh a nih hnu, February 27 aṭang khan chin hriat lohin a bibo zui nghal bawk.
Hun eng emaw chen zawn a nih hnuah police-te’n Nilaini khan Lucknow-a Aashiyana bialah Prajapati hi an man a, hemi ni vek hian court-ah kalpuiin, judicial custody-ah ni 14 awm tura tih a ni. Prajapati bakah a thurualpui nia sawi mi dang parukte hi a hmain man an lo ni tawh bawk.
Prajapati chuan an puhna chu thu dik lo a nih thu sawiin, thu dik tak a lanchhuah ngei a beisei thu a sawi. An puhna chu amah tihhmingchhiat tumna niin a sawi bawk.