EVM enfiah turin mithiamte sawm dawn
Political party hruaitu ṭhenkhatten Electronic Voting Machines (EVM) khawih chingpen nia an sawi leh ṭhin avangin parliamentary panel chuan khawih danglam theih a ni em tih enfiah turin ramchhung mithiamte bakah international expert-te an sawm dawn.
UP assembly inthlan neih zawh takah khan BJP chuan EVM an khawih chingpen nia sawi a ni a, hmun tam takah BJP candidate chauh vote theih turin an dah niin BSP hruaitu Mayawati chuan a sawi. Delhi chief minister Arvind Kejriwal-a pawhin municipal election neih turah EVM chu rintawk a har avangin ballot paper hmang turin state election office a hrilh a, Congrss hruaitu Ajay Maken pawhin mipuiten EVM rin ngam tawk lohna an nei a ni, a ti.
Parliamentary panel chuan EVM chu rinngam a ni tih an sawi a, mahse mipuiten ngaihṭhat lohna an neih ṭhin avangin enfiah tura mithiamte rawih hi a tum leh a ni. EVM hi a ṭum khatna atan kum 2004 inthlanpuiah khan hman ṭan a ni.