India ramah hmeichhe MP tlem

UN Women-in a tarlan danin, India chu khawvel­a hmeichhe parliament member tam lamah UN member ram 193 zingah 148-na a ni.

Inter-Parliamentary Union (IPU) leh UN Women chuan ranking hi tichhuakin Lok Sabha-ah hmeichhe member 64 awmin, hei hi 11.8% a nih thu leh, Rajya Sabha-ah member 27 (11%) an awm thu a tarlang. UN Women hotu, Phumzile Mlambo-Ngcuka chuan hmeichhe chanpual dah a ṭul thu a sawi.

Sorkar laipuia hmei­chhe minister awm zat chhutnaah India chu 88-na a ni a, cabinet member zinga hmeichhe awm zat hi 18.5% a nia, mahse chanvo pawimawh tak pahnih, Lok Sabha Speaker leh External Affairs Minister chanpual chu hmeichhe hnenah pek a ni thung.

IPU Secretary-General Martin Chungong chuan mipa leh hmeichhe kar intluktlanna a awm theih nan hmeichhe chanpual dah chu a ngai niin a sawi a, tuna hmasawn dan thlir­in legislative body-a hmei­chhia leh mipa awm zat intluk tur chuan kum 50 zet ala ngai dawn a ni, a ti.

Khawvel pum huapin Rwanda chu hmeichhe parliament member tamna ram niin 61.3% an awm a, Blovia-ah 53.1% leh Cuba-ah 48.9% an awm. Bulgaria, France leh Nicargua-te chu hmeichhe minister tamna ram niin 52.9% an awm bawk.