UP-a chemical factory kangah mi 12 an thi

Uttar Pradesh-a Hapur district-a chemical factor-ah Inrinni khan boiler puakin kangmei nasa tak a chhuak zui a, mi 12 an thi.

He thil thlenna hi New Delhi aṭanga km 60 vela hla, Dhaulana hmunah a ni. Factory hi CNG pump bula awm a ni.

Factory-a boiler puak hi a na hle a, inchung ṭhenkhat pawh a tichhe thei a ni. Police leh kangṭhelhtuten kangmei chhuak hi theihtawpa an ṭhelh hnuah darkar thum hnu velah an ṭhelh mit thei a ni.

Hapur SP Deepak Bhukar chuan he chhiatna thlengah hian mi 12 an thih bakah mi dang 21-ten hliam an tuar tih a sawi.

Prime minister Narendra Modi leh Uttar Pradesh chief minister Yogi Adityanath-te chuan vanduaina thleng chu pawi an tih thu leh, thi chhungte an tuarpui thu an sawi. Chief Minister chuan he thil thleng hi mithiamten uluk taka an chhui chian tur thu a sawi. Factory neitu leh operator lakah FIR pawh ziah luh a ni tawh a ni.