Rajnath Singh-a'n Vietnam a tlawh dawn

Defence minister Rajnath Singh chu Nilaini hian ni thum chamin Vietnam-ah a zin dawn.

Defence ministry chuan nimin khan Minister zin tur thu hi sawiin, a cham chhungin Vietnam hnenah hian high-speed guard boat 12 a hlan dawn tih a sawi. Heng lawng hi India rama siam an ni. India-in Vietnam tana USD mtd 100 Defence Line of Credit a pek hnuaia siam an ni.

Rajnath Singh hian Vietnam defence minister general Phan Van Giang, president Nguyen Xuan Phuc leh prime minister Pham Minh Chinh pawh a kawm ang.

Nha Trang-a training institute tlawhin, Singh hian India-in USD mtd nga a pek hmanga Army Software Park siamna, Telecommunication University pawh a tlawh dawn bawk a ni.