AIIMS nurse 5,000-te’n nawrh huaihawt

AIIMS-a thawk nurse 5,000-te chuan, Seventh Central Pay Commission hman chungchangah hospital thuneitute chuan nurse-te a enhrang nia sawiin, an lungawi lohna lantirin nimin khan a huhoin chawlh an la.

Nurse aiawhte hian Deputy Director, Administration kalchhuak tur V Srinivas hmuin, an hlawhbi chu ennawn sak a, allowance tihpun sak turin an phut. Nurse-te nawrh huaihawt hian emergency service lam a nghawng hle a, mashe out-patient depatment leh medical service dang erawh dan pangngai anga kalpui a ni. Nurse-te chuan an pay grade chu Rs 4,600 aṭanga Rs 5,400-ah tihpun a nih loh chuan, March 27 aṭangin tiam chin awm loa nawrh huaihawt an tum thu an sawi. Nursing allowance pawh Rs 7,800-ah tihpun an phut bawk.