UP inthlanah Rs vbch 5,500 seng ral

Uttar Pradesh assembly in­thlan neih zawh takah khan party hrang hrangten campaign-na atana an sum sen ral chu cheng vcaiblechhe 5,500 chuang a tling a, heng zingah hian vote leina atan cheng vaibelchhe 1,000 vel sen nia sawi a ni.

Election Commission of India chuan candidate tinte chu campaign-na atan cheng nuai 25 chin an hman a phalsal a, mahse candidate tam ber chuan thuneituten an phal chin aia tam vek an hmang nia hriat a ni.

CMS in pre-post poll a buatsaihah campaign-na atan hian print leh electronic material an hmang nasa nia tarlan a ni a, projection, video van leh electronic hmanrua dang hmanna atan cheng vaibel­chhe 600 - 900 vel sen a ni bawk.

Survey chuan, UP-ah hian vote pakhat leina atan Rs 750 zel ang sen a nih thu sawiin, hei hi ram chhunga senso hautak ber ala ni, a ti.

Inthlan vuakvetah dik lo taka sum hman tum nia hriat, cheng vaibelchhe 200 dawn chu UP-ah hia man a ni bawk a, pawisa man aṭanga chhutin vote leina atan pawisa fai leh zu leh thildang semna atan cheng vaibelchhe 1,000 vel a ral nia ngaih a ni.