Justice CS Karnan-a’n Rs vbch 14 pe turin phut

Calcutta High Court judge Justice CS Karnan chuan, Chief Justice of India (CJI) JS Khehar leh Constitution Bench-a judge-te hnenah lehkha thawnin, mipui hriata hmusit taka a chungchang an sawi avang leh, a rilru an tihnak sak avangin zangnadawmna, cheng vaibelchhe 14 pe turin a phut.

Judge pasarih awmna bench, CJI kaihhruai chuan Justice Karnan hi court-ah inlan tura hriattirna a zawm duh loh avangin West Bengal Police Director General hnenah manna thupek tichhuak a, March 31 zing dar 10.30-ah court-ah hruai turin a hriattir a ni.

Justice Karnan hian January thla khan Supreme Court leh High Court-a judge ṭanglai mi 20 te chu eiruah puhin, an hming te a puang a, heng judge-te chhui chian a phut thu a sawi bawk.