Rajya Sabha inthlan neih tur vangin Rajasthan BJP MLA-te hotel-ah awmtir vek dawn

Rajasthan-ah June 10 hian Rajya Sabha inthlan neih a ni dawn a, BJP chuan an MLA-te vote hum a, vote inleisak leh hralh laka veng turin party MLA-te chu inthlan hma hotel-ah a awmtir vek dawn.

Rajasthan BJP chuan nimin khan an party MLA-te hi Jaipur-a party office-a in report vek tura hriattirin, heta ṭang hian state khawpui pawn lama resort-ah hruai ani ang a, inthlan hma chu an awm dawn a ni. Hemi hma hian Congess party pawhin an party MLA-te hi hotel-ah a lo awmkhawm tir tawh bawk.

Bahujan Samaj Party MLA parukte chu Congress-ah a inchhunluh avangin, Congress hian MLA 108 a nei mek. Congress MLA-te hi Udaipur-a resort-ah awmkhawm tir an ni tawh bawk a ni.

Member 200 awmna Rajasthan assembly-ah hian Congress chuan MLA 108 neiin BJP hian 71 a nei a, independent MLA 13 an awm.

June 2 10 hian state leh UT 15-ah Rajya Sabha seat 57 inthlan buatsaih a ni dawn a, Congress sorkarna Rajasthan-ah hian RS seat pali ah inthlan hi neih a ni dawn a ni.