Lalu Prasad-a'n ram pawna zin phalna dil

Rashtriya Janata Dal (RJD) president leh Bihar chief minister hlui Lalu Prasad Yadav chuan a kal (kidney) thlak tura ram pawn zin dilna chu Rachi-a Central Bureau of Investigation (CBI) court-ah a thehlut.

Lalu Prasad Yadav-a lawyer, Prabhat Kumar chuan Lalu Prasad hian Singapore-ah kal thlak tura kal a ngaih thu sawiin, doctor appointment pawh buaipui mek a ni, a ti. A passport renew tur hian court-ah phalna hi dil a nih thu a sawi. Doctor appointment hi tihfel a nih hunah, thiam loh chantir a nih tawhna case pangaah ram pawna zin dilna hi thehluh thar leh a ni ang, a ti. Zin chhuah dilna hi May 31 khan an lo thehlut tawh a, June 10 hian hearing neih a ni ang.