Kerala-a Kristian NGO-in foreign fund dawng hnem
Ramchhunga NGO hrang hrang zingah Kerala-a Kristian NGO, Ayana Charitable Trust chuan kum 2015-16 chhung khan ramdang aṭangin ṭanpuina sum a dawng hnem ber.
Ramdang aṭanga ṭanpuina dawng hnem NGO pali zinga pathum chu Kristian evangelical NGO-te an ni a, fund dawng hnem dangte chu Believers Churh of India leh World Vision of India te an ni.
Ayana Charitable Trust hi US Gopsel for Asia hnuaia mi a ni a, kum 2015-16 chhung khan foreign aṭanga sum a dawn hi cheng vaibelchhe 826 a tling a, heng a sum dawn zinga a tam zawk hi Asia rama chanchinṭha hrilna atana tih a ni. RSS leh VHP nena inzawmna nei, Sadhvi Rithambara NGO enkawl, Param Shakthi Peeth chu ṭanpuina dang hnem pahnihna niin cheng viblechhe 417 a dawng.
Kerala-a hmunpui nei, Believers Church of India chuan kum 2015-16 chhung ramdang aṭangin ṭanpuina cheng vaibel chhe 342 a dawng a, World Vison India chuan cheng vaibelchhe 319 a dawng bawk. World Vision hi kum 2013-14 leh 2014-15 khan NGO zingah ramdang aṭanga ṭanpuina sum dawng hnem ber a ni.