Nepal-ah sipai hotu a zin dawn

Khawmual sipai hotu lu ber, General Bipin Rawat chuan March 28-31 chhungin Nepal ram a tlawh dawn.

Nepal sorkar chuan sipai hotu atana lakluh a nih hnuah Rawat hi an rama zin turin a lo sawm tawh a, Nepal Army thupuangtu General Tara Bahadur Kari chuan General Rawat hi Nepal Army-in chawimawina a hlan dawn niin a sawi.

Gen Rawat hi Nepal leh Indian Army-te thawhhona ṭha siam tura a thawhhlawk avangin chawimawina hi hlan a ni dawn a, March 29 hian a puala inkhawm buatsaihin Nepal President Bidhya Devi Bhandrai chuan chawimawina hi a hlan ang.

Kum 1950 aṭang khan ram pahnihte hian an sipaite inlaichinna ṭhat zia nemnghetna lantirna atan sipai hotute hi honorary title an inpetawn ṭhin a ni.

General Rawat hian President Bidhya Devi Bhandrai, Prime Minister Pushpa Kamal Dahal ‘Prachanda’ leh defence minister Bal Krishna Khad-te a kawm dawn a, Nepal sipaiten high-altitude military warfare training centre an neihna, Pokhara leh Muktinath-te a tlawh bawk ang.