Mumbai doctor-te’n lungawi lohna lantir

Mumbai-a doctor 3,000 chuangte chuan damlo chhungten doctor-te kut an thlak fo avanga lungawi loin, nimin khan a ni hnihna atan nawrh an huaihawt leh.

Tun hnaia kar khat chhungin resident doctor-te hi damlo chhungten ṭum nga an bei tawh niin, Indian Medical Association (Youth) state President Sagar Mundada chuan a sawi. MARD office bearer-te chuan Thawhṭanni khan Mayor Vishwanath Mahadeshwar an hmu a, hemi hnu hian Brihan Mumbai Municipal Corporation (BMC) chuan doctor te himna tura rua­hmanna ṭha zawk siam a nih thu a puang a, heng zingah hian damlo tlawhtu phal zat bithliah siam pawh a tel a ni. Additional Municipal Commissioner IA Kundan chuan damlo tlawh tur hian an chhung­te pahnih chauh special pass pek an ni dawn a, special pass nei loa kal luite chu thubuai siamsak an ni ang, a ti.

Mumbai doctor-te nawrh vang hian khawpui chhunga sorkar hrang hrangten a nghawng buai hle a, emergency case bik buaipui turin senior doctor te awm mah se, damlo tam takin enkawlna mumal an dawng thei lo a ni.