Ram chhungah University lem 23 awm
University Grants Commission (UGC) leh All India Council for Technical Education (AICTE) chuan India ram chhunga university lem, fake university list an tichhuak.
Ram chhungah fake university 23 awmin, technical institute lem 279 a awm. UGC permit neilo university lem zingah hian Uttar Pradesh-ah pakua leh Delhi-ah pasarih a awm.
Delhi-ah hian college lem, engineering leh technical course dang zirna lem a tam ber bawk a, college lem hi 66 a awm. Technical institute lem zinga a tam ber hi Uttar Pradesh, Telangana, West Bengal leh Maharashtra state ami an ni a, heng institute-te hian degree pek theihna an nei lo.
UGC hian kum 2016, September thla khan fake university list hi alo tichhuak tawh a, list-ah hian Maithili University/Vishwavidyalaya, Darbhanga (Bihar); Varanaseya Sanskrit Vishwavidyalaya, Varanasi (UP); Commercial University Ltd Daryaganj (New Delhi); United Nations University, Delhi; Vocational University, Delhi; St. John’s University, Kishanattam, Kerala; Raja Arabic University, Nagpur, Maharashtra; Indian Institute of Alternative Medicine, Kolkatta; Netaji Subhash Chandra Bose University (Open University), Achaltal, Aligarh, Uttar Pradesh; North Orissa University of Agriculture & Technology, Odisha te an tel a, heng university-ah hian admission ti lo turin zirlaite an chah a ni.