Maharashtra-ah eptu MLA 19 hrem

Maharashtra Assembly-in budget session a neih mekah, rorel tibuai zawnga che MLA 19-te chu December 32 thleng Assembly rorelnaa tel thei lo tura hrem an ni.

MLA hremte hi Congress leh Nationalist Congress Party (NCP) member-te an ni.

Kar kalta Inrinni khan Finance Minister Sudhir Mungantiwar chuan House-ah budget a pharh a, budget speech a neih laiin eptu MLA-te chuan an lo aubuai a ni. Eptute hian loneitute loan ngaihdam sak an phut a, an zinga ṭhenkhat chuan House chhungah banner-te an kenglut a ni. Rorel inkhawm a zawh hnuah assembly house pawn lamah budget copy hi an hal zui bawk.

State sorkar chuan state budget copy hal tur chuan tumahin dikna an nei lo a, mipuiten an aiawhte tura an thlanchhuahte ngeii an hal chu thil tihawm lo tak a ni tih a sawi. Eptu MLA-te chuan budget speech pawh ngaithla loin sor­kar budget pharh chu an pawng dodal a ni tiin, Finance Minister Mungantiwar chuan a sawi.

MLA hrem zinga mi, NCP MLA Jitendra Awhad chuan an laka hremna lekkawh a ni chu pawi an ti lo tih a sawi a, mahse sorkarin loneitute tana awm chhuahtute rahbeh a tum dan chu ngaihtuah zui a ngai hle niin a sawi.