UP CM-in sawi lawk loin police station endik

Uttar Pradesh Chief Minister thar, Yogi Adityanath chuan nimin khan sawilawk loin Lucknow-a Hazratganj police station a tlawh.

Hazratganj police station khawpui lunlaia awm a ni a, CM hian police-te record hrang hrangte a ensak bakah, mini-cell leh lock-up te a endik bawk. CM chuan endik hna a thawh chu a tawpna tur a ni lo tih a sawi. Dan leh thupek kenkawh a nih theih nan police-te dinhmun chawikan a duh tih a sawi a, a ṭul dan agin police-te chu motor pawh pek belh an nih tur thu a sawi. CM chuan police-te chu nelawm tak, mipuite ṭhianṭha ni turin a chah a, station-a endiknaah hian DGP Javeed Ahamd, IG Satish Ganesh leh SSP Manzil Sani-ten an zui a, minute 30 chhung an awm.