BJP-in tumah a thliarhrang lo : Rajnath Singh

Union Home Minister Rajnath Singh chuan BJP chuan sakhua leh hnamah tumah thliarhran a nei lo tih a sawi.

Uttar Pradesh chief mi­nister atana Hindu puithiam Yogi Adityanath-a lakluh a nih hnuah inthliarhranna a thleng nghal nia sawi chu thu dik lo a nih thu minister chuan a sawi.

Nimina Lok Sabha inkhawmah, Congress member Ranjeet Ranjan chuan UP CM-in hmeichhia te himna tura tia mipa awmkhawm vai tura Anti-Romeo squad din chungchang leh, inenhranna a thlen thute a sawichhuak. Ranjan-i chuan anti-Romeo squad din chu sawi­selin, ngaihzawng neih chu thil dik lo em ni? tiin zawhna a siam. UP sorkar chuan mipa leh hmeichhia te chu park-a an ṭhut dan tur thlengin a la relsak thei dawn niin a sawi bawk.

Minister singh chuan Ranjan-i zawhna hi chhangin, BJP chuan sakua leh hnam thliarhran a nei lo tih a sawi a, Uttar Pradesh-a BJP sorkar ni reilote a la din chhungin hetianga inthliarhranna lam thil thleng a awm anih chuan sorkar chuan a ngaihven zui nghal tur thu a sawi.