Delhi Minister in dapnaah Rs vbc 2.85 leh gold coin 133 man

Enforcement Directorate (ED) chuan Delhi health minister Satyendar Jain leh a thurualpuite in leh dawrte an dapnaah pawisa fai, Rs vaibelchhe 2.88 leh gold coin 133 an man tih an sawi.

ED hian Satyender Jain hi dik lo taka sum laluta puh chungchanga May 30 khan manin, Prevention of Money Laundering Act hnuaiah thubuai siamsak a ni. ED hian thu an zawtfiah mek. Delhi court chuan June 9 thleng an kawl a phalsak.

Thawhlehni khan ED chuan Satyender leh a thurualpuite in leh dawr, hmun pasarih dap a nih thu sawiin, heng hmuna an thil mante hi an tarlang a ni. Pawisa fai leh gold coin bakah document leh digital record eng emaw zat an man tih an sawi bawk.