Chief of Defence Staff thlan danah dan thar siam

Sorkar laipui chuan Chief of Defence Staff (CDS) thar thlan dan turah dan thar a siam.

Dan siam thar hnuaiah hian CDS post-ah hian Lt General-rank officer ṭanglai leh chawl tawhte chu dah theih an ni dawn a, mahse ruat an nih lai hian kum 62 hnuai lam an ni tur a nih thung.

Armed forces pathuma hotu lu ber, kum 62-a chawlte chu an chawlh hmaa CDS atana thlan an nih loh chuan an chawlh hnuah chuan dah an ni thei tawh dawn lo a ni. Lt General, Vice Admiral leh Air Marshal ṭanglai tam zawk leh chawl tawhte pawh dah an ni thei dawn lo a ni. Sorkar chuan CDS atan hian three-officer ṭanglaite a thlang thei ang.

Nikum December 8-a helicopter chesuala CDS General Bipin Rawat a thih hnu khan a post hi hnawhkhat lohin ala awm reng a ni.