BJP-in Bihar-ah anti-Romeo squad din phut

BJP chuan Uttar Pradesh Chief Minister Yogi Adityanath-an hmeichhiaten chhaih leh zui an tawh ṭhin veng tura anti-Romeo squad a din ang chu Bihar-ah din ve an phut.

BJP hruaitu leh deputy Chief Minister hlui Sushil Kumar Modi chuan khawtlang boruak ṭha leh muanawm zawk a awm theih nan turin state sorkar chuan anti-Romeo squad chu din ve ngei se an phut tih a sawi a, anti-Romeo squad chu school, college, university leh bazar hmunpuiahte dah tura an duh thu a sawi.

Modi chuan state chhunga hmeichhiate chunga pawikhawihna thleng a hluar chho hle tih sawiin, anti-Romeo squad din chu timakmawh a ni, a ti. Hemi hma hian BJP chuan state chhunga dan loa ran talhna in siamte chu khar turin an phut bawk.