Shiv Sena MP Gaikwad awmna chin hre lo

Air India chuan Shiv Sena MP Ravindra Gaikwad-a chu Air India staff kut a thlak avangin blacklist-ah dahin, an thlawhtheihnaa chuan an remtih loh thu an puang. Hei vanghian Gaikwad-a chuan New Delhi aṭangin relin Mumbai a pan a, mahse a chin hriat zu a ni ta lo.

Ravindra Gaikwad-a hian kar kalta Zirtawpni khan August Krantri Express relin New Delhi aṭangin Mumbai a pan a, mahse Inrinni khan Mumbai Central station-ah thleng tura beisei a nih laiin a awm lo a, kawng lakah rel aṭang hian a chhuk nia rin a ni.

Gaikwad-a hi biakpawh theih ala i lo a, an party hotu Uddhav Thackeray-a nena inhmu tur an nih laiin a chin hi hriat a ni ta lo a, Thackeray pawh hi a bepawp lo nia sawi a ni.

Shiv Sena MP hian Air India staff, kum 60 mi chu ṭawngkam na taka a hauh bakah a pheikhawkin a vua a, thlawhtheihna atanga nam chhuah a tum bawk nia sawi a ni. Hei vang hian Air India chuan MP hi an thlawhtheihnaa a chuan an remti lo tih sawiin blaclist-ah a dah a, hemi hnu hian Federation of India Airlines pawhin blacklist-ah a dah ve zui nghal bawk a ni.