J&K-ah firfiakten police an bei
Jammu and Kashmir-ah kar kalta Inrinni zan khan firfiak nia hriat mi pali-te chuan police pakhat an bei a, pahnih chuan a AK-47 rifle ken laksakin an tlanchhe zui.
Pawikhawihna thlenna hmun hi Jammu-a Dogra Chowk-a Mandir Masjit Point bulah a ni a, zan dar 10 vel khan constable Mohammad Hanief-a duty zo haw lam chu baseball bat nen an lo bei a ni. Police beitu firfiak pahnihte chu man an ni a, mi dan gpahnih erawh chu an tlanchhe hman a ni. Firfiak pahnih tlanchhiate hian AK-47 rifle leh a mu 30 vel an laksak niin police-te chuan an sawi.
Police beitute hi Shopian khaw mi vek an ni a, police-te chuan an mi man zinga pakhat, Masood Ahmed Malik chu thu an zawtfiah tawh. Constable hian hliam an tuar a, damdawi-inah enkawl mek a ni.
Prime Minister Narendra Modi chuan April 2 khian Jammu and Kashmir hi a tlawh dawn a, Inrinni zana pawikhawihna thlenna hmun aṭanga km 100 vela hla, Chenani-ah ram chhunga road tunnel thui ber a hawng dawn a ni.