BJP-in anti-Romeo squad thlawp

Uttar Pradesh Chief Minister thar Yogi Adityanath-a’n hmeichhiate himna leh tihbuai an tawh ṭhinna laka venna tura anti-Romeo squad a din chu BJPchuan ṭha a tih thu sawiin, pawisawilote chu tihbuai an ni tur a ni lo, a ti.

BJP hruaitu S.Prakash chuan inngaizawngte, zirlai leh hmeichhiaten chhaih leh zuite an tawh lohna turin anti-Romea squad din chu thil ṭul a ni tih a sawi a, hei hian CM-in mi pawisawilo tihbuai a duh loh zia chiang takin a lantir a ni, a ti.

Anti-Romeo squad hian school leh college bula mipa rual awmkhawmte chu vaiin thu te an zawhfiah a, hetihlai hian CM Adityanath chuan squad-te chu a ṭulloa ṭhalai awmkhawmte tibuai lo turin a ti a, hemi rual hian hmeichhe chhaih chingte chungah chuan action na taka lak a nih tur thu a sawi.

CM hian Gorakhpur-a Maharana Pratap Inter College-a thu a sawiah, anti-Romea squad chu mi chhaih leh tihbuai chingte laka hmeichhiate venna tura din a nih thu sawiin, squad chuan mipa leh hmeichhia inkawm leh awmtlangte chu an pawngpaw tihbuai ngawt tur a ni lo, a ti.