Mamata Banerjee-i Railway Overbridge hawn hnu Railway minister-in hawng ṭha leh dawn

West Bengal chief minister Mamata Banerjee-in Kamarkundu Railway Overbridge a lo hawn tawh chu vawiin hian railway minister Ashiwini Vaishnav chuan a hawng ṭha ve leh dawn.

Railway Minister hian Delhi aṭangin virtual hmangin a hawng dawn a, West Bengal-a Hooghly district-a railway passenger service dang pawh a hawng tel vek dawn a ni.

Hoogly district-ah Railways hian Rs vbc 254 sengin railways lam tihhmasawnna hna hrang hrang a thawk a ni. Vawiina hun hman turah hian Hooghly district-a MP leh MLA te pawh tel vek tura sawm an nih thu Eastern Railway chuan a sawi.

Bengal CM Banerjee chuan kar liam ta Zirtawpni khan Hooghly district-a railway overbridge hi a lo hawng tawh a ni. He project thawhna atan hian Eastern Railway chuan Rs vbc 26.7 West Bengal sorkar hian Rs vbc 18.16 a seng bawk niin railway official chuan a sawi a, he lei hi km khat dawna thui a ni. CM Banerjee-i'n orverbridge a hawn chungchang hi hriattir an ni lo tih Eastern Railway chuan a sawi a, a hmain West Bengal sorkar hnenah lei hawn hun tur nite rawtin, programme siamah pawh CM chu telh a ni dawn tih pawh an lo hrilh tawh tih an sawi a ni.