ECI-in President thlan hun tur puang

Election Commission of India (ECI) chuan nimin khan July 18-ah India President thar tur thlan a nih dawn thu leh, July 21-ah vote hi chhiar a ni dawn tih an puang.

President ṭanglai, Ramnath Kovind term hi July 25-ah a tawp dawn a ni.

India President hi electoral college, Parliament member 776 leh Assembly member 4,120-ten an thlang a, electoral college vote hlut zawng hi 10,98,903 a ni.

MP leh MLA nilai zingah central-a rorellai, BJP kaihhruai National Democratic Alliance (NDA) hian 48.9% an nei a ni. Hei vang hian President thar thlan turah pawh NDA leh a thlawptu party-te candidate chu awlsam taka tling tura ngaih a ni.

BJP hian an candidate thlawp turin Biju Janata Dal leh YSR Congress party chu a ngen tawh bawk. Hetihla hian eptu party lam hian joint candidate siam an tum a, mahse an candidate tur erawh an la thlang fel lo. Eptu joint candidate atan hian Telangana chief minister K. Chandrashekar Rao leh Maharashtra-a NPP hruaitu Sharad Pawar-te hming chu sawirik a ni.

Kum 2017-a President thlannaah kha Ram Nath Kovind hian vote tla aṭangin 65.35% hmuin, India ram President 14-na a ni.