Advertisement chungchangah kaihhruaina thar siam

Sorkar laipui chuan nimin khan fakna, advertisement chungchangah kaihhruaina thar a tichhuak.

Consumer Affairs Ministry chuan guidelines thar hi tichhuakin, hei hi advertisement-in mi rilru a dik lo zawnga a hruai kawi theihna tur venna atan te, naupang target ṭhin venna tur leh, consumer hipna atana a thlawna thil sem awm ṭhinte laka invenna atana a siam a ni. He kaihhruaina thar siam hi hman nghal tura tih a ni a, advertisement tihchhuah a khap zingah hian mi chhul hawha naupai (surrogate) a tel.

Consumer Affairs secretary Rohit Kumar Singh chuan, "Advertisement hian consumer-teah nghawng a nei thei hle a ni. CCPA Act hnuaiah consumer-te dikna chanvo nghawng thei, a dik lo zawnga rilru hruai kawi thei advertisement buaipui dan tur pawh hi a awm a ni," a ti. Mahse awlsam leh chiang zawka hriat a nih theihna atan, sorkar chuan kaihhruaina hi a siam thar tih a sawi a ni. He kaihhruaina thar siam hi platform hrang hrang - print, television leh online lamah pawh hman vek tur a ni. Sorkar advertisement-te pawh a huam tel vek dawn a ni. Dan bawhchhiate chu Consumer Protection Act (CCPA) hnuaiah an chungah action lak theih a ni ang.